میلبورن: انٹرنیشنل کرکٹ کونسل (آئی سی سی) نے پاکستان اور انگلینڈ کے درمیان 13 نومبر کو میلبورن کرکٹ گراؤنڈ (ایم سی جی) میں شیڈول ٹی ٹوئنٹی ورلڈ کپ 2022 کے میگا فائنل کے لیے میچ آفیشلز کا اعلان کر دیا۔
امپائرز ماریس ایراسمس (جنوبی افریقہ) اور کمار دھرما سینا (سری لنکا) میدان میں فرائض سنبھالیں گے۔
کرس گیفانی (نیوزی لینڈ) میچ کے ٹی وی امپائر ہوں گے جبکہ پال ریفل (آسٹریلیا) چوتھے امپائر ہوں گے۔
فائنل کی نگرانی میچ ریفری رنجن مدوگالے (سری لنکا) کریں گے۔
پاکستان اور انگلینڈ کی ٹیمیں 1992 کے بعد پہلی بار آئی سی سی ورلڈ کپ ایونٹ میں آمنے سامنے ہوں گی۔ دونوں ٹیمیں آئی سی سی ورلڈ کپ 1992 کے فائنل میں مدمقابل ہوئیں جو پاکستان نے جیت کر اپنا پہلا کرکٹ ٹائٹل اپنے نام کیا۔
عمران خان کی قیادت میں پاکستان نے انگلینڈ کو شکست دے کر پہلا ورلڈ کپ اپنے نام کیا۔
0 Comments