وقت گزرتا ہے، لمحے بدل جاتے ہیں

*وقت گزرتا ہے، لمحے بدل جاتے ہیں، اور منظر دھندلے ہو جاتے ہیں۔ رونقیں ویسے ہی قائم رہتی ہیں، فرق صرف کل اور آج کا ہوتا ہے۔*  

*کل جہاں آپ تھے، آج وہاں کوئی اور ہوگا۔ یہی زندگی ہے—پرانے لوگ جاتے ہیں، نئے لوگ آتے ہیں۔*  

*کہیں کوئی خلا نہیں رہتا، یہ قانونِ قدرت ہے اور اسی کے تحت کائنات چل رہی ہے۔ زندگی کبھی رکتی نہیں، اسے گزرنا ہوتا ہے، چاہے آپ نفرتیں بانٹیں یا محبتیں۔* 🌹💖💫

کبھی زندگی ایسے موڑ پر لے آتی ہے جہاں ہر چہرہ مانوس لگتا ہے، مگر دل کسی پر اعتبار نہیں کرتا۔ زخم وہ نہیں ہوتے جو جسم پر لگتے ہیں، اصل زخم تو وہ ہوتے ہیں جو روح پر خاموشی سے نقش ہو جاتے ہیں — جنہیں نہ کسی کو دکھایا جا سکتا ہے، نہ بیان کیا جا سکتا ہے۔

جب ہر طرف سے تسلیاں ملنے لگیں مگر دل کو قرار نہ آئے، تب سمجھ آتا ہے کہ کچھ درد صرف ہمارے اپنے ہوتے ہیں۔ سب کے پاس باتیں ہوتی ہیں، مگر کوئی سننے والا نہیں ہوتا۔ تب انسان مسکرا کر جیتا ہے، اور اندر سے روز تھوڑا تھوڑا ٹوٹتا ہے۔

ایسے میں انسان کو صرف اللہ کی طرف لوٹنا ہوتا ہے۔ وہی ہے جو بغیر کہے سن لیتا ہے، بغیر دکھائے سمجھ لیتا ہے، اور بغیر پکارے قریب آ جاتا ہے۔ دنیا میں سب کچھ مل سکتا ہے، سوائے سچے دل کے اور بے غرض کندھے کے۔

بس یہی سیکھا ہے کہ اگر کوئی بھی نہیں سمجھتا، تو بھی خود کو سنبھالنا سیکھو… کیونکہ دکھ جتنا بھی گہرا ہو، وقت گزرنے کے ساتھ ساتھ اس کی شدت کم ہو ہی جاتی ہے۔ اور آخرکار… وہی رب دل کو وہ سکون دیتا ہے جو کسی اور کے گلے لگنے سے نہیں ملتا۔ 🖤🍂