گلگت بلتستان کے وزیر سیاحت، کھیل، ثقافت اور آثار قدیمہ اور نوجوانوں کے امور کے وزیر راجہ ناصر علی خان جو جی بی حکومت کے ایک وفد کی قیادت کررہے ہیں، نے پاکستانی نژاد امریکی تاجر برادری کے اجتماع سے خطاب کرتے ہوئے کہا کہ حکومت پاکستان سیاحت کے فروغ پر خصوصی توجہ دے رہی ہے۔ جی بی میں
قونصل جنرل عائشہ علی نے وفد کا خیرمقدم کرتے ہوئے قومی معیشت کی بہتری میں سیاحت اور مہمان نوازی کی صنعت کی اہمیت پر زور دیتے ہوئے کہا کہ گلگت بلتستان کے خطے میں سیاحت کی بہت زیادہ صلاحیت موجود ہے۔
اس تقریب کا مقصد گلگت بلتستان کی منفرد سیاحتی صلاحیت کو سامنے لانا، سیاحوں کی آمد میں اضافہ، سرمایہ کاری کے مواقع کو اجاگر کرنا اور پاکستان کے مثبت امیج کو فروغ دینا تھا۔
اپنے کلمات میں راجہ ناصر علی خان نے شرکاء کو گلگت بلتستان میں سیاحتی انفراسٹرکچر، ایڈونچر سپورٹس اور سیاحتی خدمات میں سرمایہ کاری کے بڑے مواقع کے بارے میں آگاہ کیا۔ انہوں نے انہیں جی بی حکومت کی طرف سے سیاحوں کی سہولت کے لیے اٹھائے گئے مختلف اقدامات کے بارے میں بھی بتایا جیسے "ٹورسٹ پولیس" کی تعیناتی اور سیکیورٹی کے لیے "ٹورسٹ ہیلپ لائن" کا قیام اور سیاحوں کو بروقت امداد کی فراہمی۔
راجہ رشید علی، سیکرٹری برائے سیاحت، کھیل، ثقافت اور آثار قدیمہ، اور امور نوجوانان گلگت بلتستان نے گلگت بلتستان میں سرمایہ کاری کے مواقع کے بارے میں ایک مختصر پریزنٹیشن دی۔
تقریب میں گلگت بلتستان کی خوبصورتی کو پیش کرنے والی ایک مختصر فلم بھی دکھائی گئی جس کے بعد سوال جواب کا سیشن ہوا۔
وفد نے ریاست ہائے متحدہ امریکہ میں گلیگٹ بلتستان کی سیاحت کے امکانات کے پروجیکشن کے لیے پبلسٹی مواد اور دستاویزی فلمیں بھی شیئر کیں۔
0 Comments